Nang Minsan Akong Napaidlip

Date written June 5, 2011 @ Buhangin Community Church (BCC)
3:58 pm

Nang makaidlip ako.
Nakita Kita.
Malabo.
Malayo.
Tumango Ka’t ngumiti.
Nakakasilaw ang Iyong damit.
Dahan-dahan Mong itinaas ang kamay.
Nag-aantay Ka sa akin.
Handa akong yakapin.


Nainis ako.
Dahil bigla na lang akong nagising.
Ingay ng mga kaluluwang nakagapos
na nasa Bahay-Sankwaryo
ang gumising sa akin.
Wala silang pakialam sa…
… Pastor na nagwawali
… sa mga nakakagaang kanta.
Inubserbahan ko sila.
Tumingin ako sa aking harap maging sa likod.

Haaaaay.


Sinubukan kong ipikit muli
ang aking mga mata.
Hindi na Kita Makita.
Kadiliman ang pumapalibot.
Ako’y nangangapa.
Napagtanto ko,
Isa rin pala ako sa kanila.

louiebahay.tumblr.com